სიახლეები

სამსახურმა, აღრიცხვა-ანგარიშგებისა და აუდიტის სფეროს ტერმინოლოგიის ჰარმონიზაციის მიზნით შექმნილ ონლაინ ლექსიკონში, მნიშვნელოვანი განახლებები განახორციელა. ფინანსური ანგარიშგების საერთაშორისო სტანდარტების (IFRS) და აუდიტის საერთაშორისო სტანდარტების (ISA) ტერმინებს, მდგრადობის ანგარიშგების ევროპული სტანდარტების (ESRS) ტერმინებიც დაემატა. ასევე აღსანიშნია, რომ განახლდა ფასს სტანდარტების 2000-ზე მეტი ტერმინის განმარტება და კონტექსტი. შედეგად, ლექსიკონში ასახული ინფორმაცია ბევრად უფრო გამოსადეგი გახდება მომხმარებლებისთვის. 

გარდა შინაარსობრივი განახლებისა, მნიშვნელოვნად გაუმჯობესდა ტექნიკური ფუნქციონალიც – განახლებული ძებნის მექანიზმი მომხმარებლებს საშუალებას აძლევს უფრო მარტივად და ეფექტურად მოძებნონ სასურველი ტერმინი. დეტალური ინფორმაცია ლექსიკონის შესახებ შეგიძლიათ იხილოთ ვებგვერდზე. 

აქვე შეგახსენებთ, რომ ლექსიკონი მომხმარებელს ქართული ტერმინების შეფასებისა და ახალი ვერსიების შემოთავაზების საშუალებასაც აძლევს, რაც ლექსიკონის სამომავლო დახვეწისთვის მნიშვნელოვანია. მომხმარებლების შეფასების შესაბამისად, ლექსიკონი თითოეულ ტერმინს გარკვეულ რეიტინგს ანიჭებს, ხოლო მომხმარებლის მიერ შემოთავაზებულ ალტერნატიულ თარგმანს სამსახურთან შექმნილი პრაქტიკოსებისა და აკადემიური სექტორის წარმომადგენლებისაგან შემდგარი სპეციალური კომიტეტი განიხილავს. 

ლექსიკონთან დაკავშირებული შენიშვნებისა და წინადადებების გამოგზავნა სამსახურისთვის შესაძლებელია ელ. წერილის ფუნქციონალის მეშვეობით