საიტი მუშაობს სატესტო რეჟიმში

17.12.2020

BARTA 2020 - საუკეთესო წლიური ანგარიშისა და გამჭვირვალობის დაჯილდოების ცერემონია გაიმართა

2020 წლის 16 დეკემბერს, ევროკავშირისა და მსოფლიო ბანკის ფინანსური ჩართულობისა და ანგარიშვალდებულების ერთობლივმა პროექტმა, საქართველოს ბუღალტრული აღრიცხვის, აუდიტის და ანგარიშგების რეფორმების მხარდაჭერის ეროვნულ ფონდთან ერთად, საუკეთესო წლიური ანგარიშის და გამჭვირვალობის ჯილდოს (BARTA) გადაცემის ვირტუალურ ცერემონიას უმასპინძლა. 

წლიური ჯილდოს მიზანია ანგარიშგების ახალ წესებთან შესაბამისობის ხელშეწყობა, კომპანიებს შორის ჯანსაღი კონკურენციის წახალისება და კორპორაციული ანგარიშგების საერთო სტანდარტის ამაღლება ქვეყნის მიერ ინვესტორთა ნდობის ზრდის პროცესში, როგორც ადგილობრივ, ისე საერთაშორისო დონეზე. საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახური, მეორე წელია BARTA-ს მხარდამჭერებს შორის არის. 

დაჯილდოების ცერემონია წელს ვირტუალურად გაიმართა და მასზე წარმოდგენილი 18 ნომინანტი კომპანიიდან გამარჯვებულები კომპეტენტურმა საერთაშორისო ჟიურიმ გამოავლინა. 

ოთხ კატეგორიაში გამოცხადებული გამარჯვებული კომპანიები არიან: 

  • მსხვილი საფინანსო კომპანიები - სს „თიბისი ბანკი“;
  • მსხვილი არასაფინანსო კომპანიები - სს „ნიკორა ტრეიდი“ და სს „თელასი“ (ერთობლივად);
  • მცირე კომპანიები - შპს „საქართველოს სალიზინგო კომპანია“;
  • საპატიო ჯილდო - სს მსო „კრისტალი“.
იხ. ღონისძიების ვიდეოჩანაწერი.

კონკურსის ჟიურის განცხადებით, თოთოეული ნომინანტის წარდგენილი ინფორმაცია მაღალი ხარისხის იყო. 

„ევროკავშირი საქართველოს ულოცავს საფინანსო სექტორში მიღწეულ თვალსაჩინო პროგრესს. ახლა მსხვილი კომპანიების ბოლოდროინდელი გამოცდილების კვალდაკვალ, მცირე კომპანიებიც აქტიურად იწყებენ ფინანსური ანგარიშგების და გამჭვირვალობის მოთხოვნების შესრულებას. ეს კარგია ბიზნესისთვის, ინვესტორებისთვის და საქართველოს საერთო ეკონომიკური განვითარებისთვის,“ - აღნიშნა საქართველოში ევროკავშირის წარმომადგენლობის პროექტების განყოფილების უფროსმა, სიგრიდ ბრეტელმა.

სამხრეთ კავკასიაში მსოფლიო ბანკის რეგიონული დირექტორის, სებასტიან მოლინეუსის განცხადებით, მსგავსი წამახალისებელი ღონისძიებები მეტად მნიშვნელოვანია საქართველოს ბიზნესგარემოს შემდგომი განვითარებისა და საქართველოს მიმართ ინვესტორთა ნდობის ამაღლებისთვის.

 

© ბუღალტრული აღრიცხვის, ანგარიშგებისა და აუდიტის ზედამხედველობის სამსახური. 2018