საიტი მუშაობს სატესტო რეჟიმში

16.07.2020

სამსახურის ინიციატივით რეფორმის სარგებლის დემონსტრირებისთვის ღონისძიება გაიმართა: „ფინანსური გამჭვირვალობის შედეგები | კორპორაციული სექტორის კვლევის საშუალებები“

საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა, ევროკავშირის და მსოფლიო ბანკის ფინანსური ჩართულობის და ანგარიშვალდებულების ერთობლივი პროექტის, საქართველოს ეროვნული ბანკისა და ფინანსთა სამინისტროს მხარდაჭერით, 2020 წლის 15 ივლისს ვირტუალური ღონისძიება გამართა, თემაზე:

„ფინანსური გამჭვირვალობის შედეგები | კორპორაციული სექტორის კვლევის საშუალებები“

ღონისძიება ფინანსური გამჭვირვალობის უკვე მიღწეული და მოსალოდნელი სარგებლის დემონსტრირებას ისახავდა მიზნად. 

ღონისძიებაზე მისასალმებელი სიტყვით მსოფლიო ბანკის რეგიონული დირექტორი, სებასტიან მოლინეუსი, ევროკავშირის დელეგაციის წარმომადგენელი - სირიე პოდერი, ფინანსთა მინისტრის მოადგილე - ნიკოლოზ გაგუა და სამსახურის უფროსი წარდგნენ. მათ აღრიცვა-ანგარიშგების მიმდინარე რეფორმის მნიშვნელობასა და სფეროს განვითარების სამომავლო პერსპექტივებზე ისაუბრეს. 

ღონისძიება ორი ძირითად ნაწილისგან შედგებოდა. პირველ ნაწილში მოწვეულმა მომსხსენებლებმა აუდიტორიას სამსახურის საინფორმაციო რესურსებზე დაყრდნობით, სხვადასხვა მიმართულებით ჩატარებული კვლევების შედეგები წარუდგინეს და, ასევე, ახალი ანალიტიკური პროდუქტების შექმნის შესაძლებლობებზე იმსჯელეს. ყურადღება გამახვილდა, კაპიტალის და ფინანსური ბაზრების განვითარების მიზნით, ანგარიშგების პორტალზე დაგროვილი მონაცემების ეფექტიანი გამოყენების ადგილობრივ და მსოფლიო საუკეთესო პრაქტიკაზე.

იხილეთ პირველ ნაწილში გამომსვლელთა პრეზენტაციები:

საქართველოს ეროვნული ბანკი | კორპორატიული სექტორის მიმოხილვა: ძირითადი ფინანსური მაჩვენებლები 
კრედიტინფო | SARAS-ის ინფორმაციის გამოყენება საკრედიტო-სარეიტინგო მოდელებში 
გალტ ენდ თაგარტი | გამჭვირვალობის რეფორმის სარგებელი 
Bureau Van Dijk | ინფორმაციის ჰარმონზაცია სწრაფად ცვალებად მსოფლიოში 

ღონისძიების მეორე ნაწილში პანელური დისკუსია გაიმართა, თემაზე: „გამჭვირალობის შედეგად მოპოვებული მონაცემები და მათი ფართო გამოყენება საქართველოს ეკონომიკის სხვადასხვა სექტორში“. მას ირინა გორდელაძე, მსოფლიო ბანკის უფროსი კონსულტანტი წარუძღვა. დისკუსიაში საქართველოში მოქმედი საკონსულტაციო ანალიტიკური კომპანიების, კვლევითი ორგანიზაციების და სამსახურის წარმომადგენლებმა მიიღეს მონაწილეობა. (იხილეთ მეორე ნაწილის პრეზენტაციები: GEC Corporation; EBIT Group; კავკასიის უნივერსიტეტი)


ღონისძიებას რეფორმის მიმდინარეობით და მისი შედეგებით დაინტერესებული მხარეები - სახელმწიფო უწყებების, ბიზნეს ასოციაციების, აკადემიური წრეების, კაპიტალის და ფინანსური სექტორის წარმომადგენლები დაესწრნენ. 


 

© ბუღალტრული აღრიცხვის, ანგარიშგებისა და აუდიტის ზედამხედველობის სამსახური. 2018