საიტი მუშაობს სატესტო რეჟიმში

08.06.2017

ვენაში მსოფლიო ბანკის მიერ ორგანიზებული ღონისძიება ჩატარდა

2017 წლის 30-31 მაისს, ვენაში, STAREP (აუდიტისა და ანგარიშგების გაძლიერება აღმოსავლეთ პარტნიორობის ქვეყნებში) პროგრამის ფარგლებში მსოფლიო ბანკის ფინანსური ანგარიშგების რეფორმის ცენტრის (CFRR) მიერ ორგანიზებული ორდღიანი ღონისძიება ჩატარდა, რომელიც მაღალი ხარისხის პროფესიული განათლების საერთაშორისო სტანდარტების დანერგვის მნიშვნელობასა და მცირე და საშუალო პრაქტიკის ფირმებისათვის არსებულ გამოწვევებსა და პერსპექტივებს შეეხო.

სამსახურის წარმომადგენლის გარდა, ღონისძიებას ესწრებოდნენ საქართველოს პროფესიული ორგანიზაციებისა და უნივერსიტეტების წარმომადგენლები. ღონისძიების ორგანიზატორებმა და სხვა გამომსვლელებმა ყურადღება გაამახვილეს მაღალი ხარისხის პროფესიული განათლების საერთაშორისო სტანდარტების დანერგვის მნიშვნელობაზე საზოგადოებაში პროფესიისადმი ნდობის ამაღლების კუთხით.

ფორუმის ფარგლებში, ბუღალტერთა საერთაშორისო ფედერაციის (IFAC) პრეზიდენტმა, კომიტეტის წევრებმა და ფინანსური ანგარიშგების რეფორმის ცენტრის (CFRR) წარმომადგენლებმა ისაუბრეს მცირე და საშუალო საწარმოებისა და  მცირე და საშუალო პრაქტიკის ფირმებისათვის არსებულ გამოწვევებსა და პერსპექტივებზე. მათ, ასევე, საერთაშორისო ფირმების კვლევის შედეგები წარადგინეს და დამსწრე საზოგადოებას თავიანთი რეკომენდაციები გააცნეს მცირე და საშუალო პრაქტიკის ფირმებთან მიმართებით (SMP).

ღონისძიებაზე  აქცენტი გაკეთდა პროფესიული ეთიკის მნიშვნელობაზე, როგორც ღირებულებაზე, რომლის გაზიარება და დაცვაც მცირე და საშუალო პრაქტიკის ფირმებს დაეხმარება არსებული კლიენტების შენარჩუნებასა და ახალი კლიენტების მოზიდვაში.

© ბუღალტრული აღრიცხვის, ანგარიშგებისა და აუდიტის ზედამხედველობის სამსახური. 2018