სიახლეები

ორგანიზაციაში, ბუღალტრის მიზანი და დანიშნულება ინფორმაციის ორგანიზებაა, რაც სასიცოცხლოდ მნიშვნელოვანია ბიზნესის წარმატებისთვის, შესაბამისად კომპანიის გამართულად ფუნქციონირებაში სწორედ ბუღალტრის როლია საკვანძო. სამსახურის (SARAS), როგორც სფეროს ზედამხედველი უწყებისა და  სფეროს ერთობლივი ინიციატივით, 10 ნოემბერი, საქართველოშიც, ისევე როგორც ევროკავშირის ქვეყნებსა და ამერიკის შეერთებულ შტატებში, ბუღალტრის პროფესიულ დღედ განისაზღვრა.

ბუღალტრის დღის დაწესება პროფესიაში ჩართული პირებისთვის მნიშვნელოვანი ნაბიჯი იქნება, ასევე ბუღალტრისა და სერტიფიცირებული ბუღალტრის (მათ შორის, აუდიტორის) მნიშვნელობას ნათლად დაანახებს საზოგადოებას. ასევე წაახალისებს პროფესიის პოპულარიზაციას, პროფესიაში ჩართული პირებს შორის კავშირების გაძლიერებასა და პროფესიის განვითარებას.

აღსანიშნავია, რომ სამსახურის მონაცემებით ბოლო წლებში დაფიქსირებულმა ანგარიშგებების წარდგენის მაჩვენებელმა რეკორდულ ნიშნულს მიაღწია, კერძოდ 2022 წელს  2021 წლის ანგარიშგება  სამსახურს 78, 370-მა  საწარმომ  წარუდგინა, ხოლო 2023 წელს   კი - 2022 წლის ანგარიშგება 77,524-მა  საწარმომ. თითოეული ანგარიშგების მომზადების პროცესი კი სწორედ ბუღალტრების დაუღალავი შრომისა და მათი სამსახურთან ურთიერთანამშრომლობის შედეგია. მნიშვნელოვანია აღიარებული და დაფასებული იქნეს ბუღალტრის (მათ შორის, სერტიფიცირებული ბუღალტრის), როგორც ერთ-ერთი უმნიშვნელოვანესი პროფესიის წვლილი ქვეყნის განვითარებისთვის განხორციელებულ საქმიანობაში, აღნიშნული კი პირველ ეტაპზე პროფესიის დღის განსაზღვრით მიიღწევა.

პროფესიული დღის არსებობა გამოიწვევს მისი დამოუკიდებლად აღნიშვნის სხვადასხვა სახის ღონისძიებისა თუ შეკრებების უზრუნველყოფას, რომლის ფარგლებშიც ბუღალტრებს შესაძლებლობა ექნებათ გაუზიარონ ერთმანეთს პროფესიული ცოდნა და გამოცდილება, დაამყარონ კავშირები და დაუახლოვდნენ ერთმანეთს ურთიერთთანამშრომლობის გაღრმავების მიზნით.