სიახლეები

სამსახურის (SARAS), 2024 წლის საქმიანობის ანგარიშში ასახულია, როგორც ზოგადად, ორგანიზაციის მიღწევები, ასევე თითოეული მიმართულების, მიხედვით დასახული მიზნებისა და შედეგების შესახებ ინფორმაცია, სტატისტიკური მონაცემები, საერთაშორისო თანამშრომლობის მაგალითები, სამომავლო გეგმები და სხვა.

უნდა აღინიშნოს, რომ 2024 წელი სამსახურისთვის მიმდინარე რეფორმის წარმატებით განხორციელებისა და ინსტიტუციური განმტკიცების წელი იყო. სამსახურმა აქტიურად გააგრძელა რეფორმის ფარგლებში განსაზღვრული მიზნების შესრულება, მათ შორის ანგარიშგებების გამჭვირვალობის ხარისხის ამაღლება, ფულის გათეთრების წინააღმდეგ ბრძოლის მექანიზმების განვითარება და აუდიტის რეგულირების გაუმჯობესება. 

ნდობის განმტკიცება, ხარისხზე ორიენტირებული მუშაობა და მუდმივი განვითარება არის SARAS-ის გუნდის ყოველდღიური მისია. 

სამსახური მადლობას უხდის ადგილობრივ და საერთაშორისო პარტნიორებს,  განსაკუთრებით მსოფლიო ბანკს, რომელიც სამსახურისთვის წარმოადგენს, არა მხოლოდ ინსტიტუციური გაძლიერების საყრდენს, არამედ ხელს უწყობს იმ სისტემური ცვლილებების რეალიზებას, რომლებიც უზრუნველყოფს საქართველოს ბიზნესგარემოს მეტ გამჭვირვალობასა და სანდოობას. სამსახური იმედს იტოვებს, რომ წარმატებული თანამშრომლობა მომავალშიც გაგრძელდება და კიდევ უფრო გაღრმავდება. 

სამსახური ასევე მადლობას უხდის თითოეულ თანამშრომელს მათი ძალისხმევისთვის და საზოგადოების ყველა წარმომადგენელს მხარდაჭერისთვის.