სიახლეები

საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახური, 31 იანვარს, 14:00 საათზე ბუღალტრებთან განმეორებით გამართავს საინფორმაციო სახის შეხვედრას Webex-ის მეშვეობით. შეხვედრის განსახილველ საკითხს წარმოადგენს მიმდინარე საკანონმდებლო ცვლილებები ფულის გათეთრებისა და ტერორიზმის დაფინანსების აღკვეთის ხელშეწყობისათვის, კერძოდ: 

• „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონსა და „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონში 2022 წლის 1 დეკემბერს განხორციელებული ცვლილებები;
• ზედამხედველობის სამომავლო მოლოდინები.

ღონისძიების დასკვნით ნაწილში, სამსახურის წარმომადგენლები აუდიტორიის კითხვებს უპასუხებენ. 

შეხვედრაზე დასასწრებად, გთხოვთ დარეგისტრირდეთ შემდეგ ბმულზე: https://bit.ly/3Wd9dF9

კანონში შესულ უკანასკნელ ცვლილებაზე დეტალური ინფორმაცია იხილეთ ბმულზე. 


შეგახსნებთ, რომ ანალოგიური ღონისძიება სამსახურმა 2022 წლის 23 დეკემბერს გამართა.