სიახლეები

სამსახურის (SARAS) წარმომადგენლებმა 29-30 სექტემბერს, ლონდონში გამართულ World Standard-setters Conference 2025-ში (მსოფლიო სტანდარტების განმსაზღვრელთა კონფერენცია 2025) მიიღეს მონაწილეობა.

კონფერენცია წარმოადგენს საერთაშორისო მასშტაბის პლატფორმას, სადაც ეროვნულ დონეზე სტანდარტების განმსაზღვრელი ორგანოები /განმსაზღვრელები მსჯელობენ გლობალურ ტენდენციებსა და გამოწვევებზე. ღონისძიებაზე განხილულია საერთაშორისო ფინანსური ანგარიშგების სტანდარტების (IFRS) განვითარება და მათი ეფექტიანი დანერგვის მექანიზმები, რეგულატორებისა და პროფესიული საზოგადოების როლი გამჭვირვალობისა და ანგარიშვალდებულების უზრუნველყოფაში, ასევე საერთაშორისო თანამშრომლობის მნიშვნელობა მდგრადი ფინანსური სისტემებისათვის.

ხსენებულ კონფერენციაში სამსახურის (SARAS) მონაწილეობა განსაკუთრებულ მნიშვნელობას იძენს, რადგან ერთის მხრივ სამსახური ჩართულია სწორედ იმ დისკუსიებში, რომლებიც პირდაპირ ეხება საქართველოს რეგულაციებსა და რეფორმებს, მეორეს მხრივ კი ქვეყნის სახელით გააზიარა ინფორმაცია სტანდარტების დანერგვისა და არსებული გამოწვევების შესახებ, ასევე შესაძლებლობა აქვს გაიცნოს უახლესი საერთაშორისო პრაქტიკები და ტენდენციები და უზრუნველყოს მათი ინტეგრირება ადგილობრივ რეგულაციებში. აღნიშნული ჩართულობა აძლიერებს ქვეყნის როლს საერთაშორისო პროფესიულ დისკუსიებში და ხელს უწყობს საქართველოს ფინანსური გარემოს გამჭვირვალობისა და საინვესტიციო მიმზიდველობის ზრდას. 

World Standard-setters Conference 2025 არის სივრცე, სადაც ქვეყნებს შესაძლებლობა ეძლევათ გააზიარონ გამოცდილება, იმსჯელონ საერთო გამოწვევებზე და განიხილონ გადაწყვეტილებები, რომლებიც გლობალურად აყალიბებს ფინანსური ანგარიშგების მომავალს. სამსახური (SARAS) აქტიურად განაგრძობს მონაწილეობას მსგავს საერთაშორისო ღონისძიებებში, რაც აძლიერებს ქვეყნის პოზიციონირებას და უზრუნველყოფს რეგულაციების შესაბამისობას გლობალურ სტანდარტებთან.