სიახლეები

სამსახურმა (SARAS) III და IV კატეგორიის საწარმოების წარმომადგენლებთან ონლაინ საინფორმაციო შეხვედრა გამართა, რომელიც 2025 წლის საანგარიშგებო პერიოდის ანგარიშგების წარდგენის პროცესს დაეთმო.

შეხვედრის მიზანი იყო ანგარიშვალდებული პირებისთვის ანგარიშგების მომზადებისა და წარდგენის პროცესში მნიშვნელოვანი საკითხების განმარტება, პრაქტიკული რეკომენდაციების გაზიარება და იმ გარემოებებზე ყურადღების გამახვილება, რომლებიც ხელს უწყობს ანგარიშგების დროულად და ხარისხიანად წარდგენას. ასევე ყურადღება გამახვილდა ანგარიშგების პორტალის გამოყენების პრაქტიკულ საკითხებზე და წარდგენის პროცესში გასათვალისწინებელ მოთხოვნებზე.

შეხვედრას 300-ზე მეტი ადამიანი დაესწრო. შეხვედრის ძირითადი თემატიკა წინასწარი გამოკითხვის შედეგად გამოვლენილი საჭიროებების გათვალისწინებით განისაზღვრა. მონაწილეებს შესაძლებლობა ჰქონდათ, მათთვის საინტერესო საკითხებზე შეკითხვები დაესვათ და სამსახურის წარმომადგენლებისგან შესაბამისი განმარტებები მიეღოთ.

შეგახსენებთ, რომ 2025 წლის საანგარიშგებო პერიოდზე ანგარიშგების წარდგენისა და გასაჯაროების პროცესი უკვე დაწყებულია და მიმდინარეობს უწყვეტ რეჟიმში. სამსახური ანგარიშვალდებულ საწარმოებს მოუწოდებს, არ დაელოდონ საბოლოო ვადას და უზრუნველყონ ანგარიშგების დროული წარდგენა.