სიახლეები

სიახლეები

საუკეთესო წლიური ანგარიშის და გამჭვირვალობის ჯილდოს 2021 წლის გამარჯვებულები გამოვლინდნენ

14.12.2021

14 დეკემბერს, საუკეთესო წლიური ანგარიშის და გამჭვირვალობის  ჯილდოს (BARTA) 2021 წლის გამარჯვებული კომპანიები გამოვლინდნენ. აღნიშნული ჯილდო  ევროკავშირის და მსოფლიო ბანკის ფინანსური ჩართულობის და ანგარიშვალდებულების ერთობლივი პროექტის მიერ საქართველოს ბუღალტრული აღრიცხვის, აუდიტის და ანგარიშგების რეფორმების მხარდაჭერის ეროვნულ ფონდთან პარტნიორობით სამი წლის წინ შეიქმნა. 

წლიური ჯილდოს მიზანია ანგარიშგების შესაბამისობის ხელშეწყობა არსებულ სტანდარტებთან, კომპანიებს შორის ჯანსაღი კონკურენციის წახალისება და კორპორაციული ანგარიშგების ხარისხის ამაღლება ქვეყნის მიერ ინვესტორთა ნდობის ზრდის პროცესში როგორც ადგილობრივ, ისე საერთაშორისო დონეზე.


დაჯილდოების წლევანდელ ცერემონიაზე წარმოდგენილი იყო 18 ნომინანტი კომპანია. გამარჯვებულები კომპეტენტურმა საერთაშორისო ჟიურიმ გამოავლინა. შერჩევის პროცესი მტკიცე მეთოდოლოგიის გამოყენებით ჩატარდა.


წელს გამოცხადებულ 7 ნომინაციაში გამარჯვებული კომპანიები არიან: 

გამარჯვებული მსხვილი საფინანსო კომპანია - ს.ს. “საქართველოს ბანკი” 
საპატიო ჯილდო მსხვილი საფინანსო კომპანიისთვის - ს.ს. მიკრო საფინანსო ორგანიზაცია (მსო) „კრისტალი“
გამარჯვებული მსხვილი არასაფინანსო კომპანია (500 ან მეტი დასაქმებული) - ს.ს. „თელასი“
საპატიო ჯილდო მსხვილი არასაფინანსო კომპანიისთვის (500 ან მეტი დასაქმებული) - ს.ს. „სილქნეტი“
გამარჯვებული მცირე და საშუალო კომპანია (500 -ზე ნაკლები დასაქმებული) - ს.ს. „თიბისი ლიზინგი“ 
საპატიო ჯილდო მცირე და საშუალო კომპანიისთვის (500 -ზე ნაკლები დასაქმებული) - ს.ს. მიკრო საფინანსო ორგანიზაცია (მსო) „მიკრო ბიზნეს კაპიტალი“
მდგრადი განვითარების საუკეთესო ანგარიში - ს.ს. „თიბისი ბანკი“

წლევანდელი კონკურსი ღია იყო საზოგადოებრივი დაინტერესების მქონე ყველა პირისთვის (სდპ), რომელთა შორისაა  A და B სალისტინგო კატეგორიების ყველა კომპანია, სავაჭროდ დაშვებული კომპანიები, ბანკები, სადაზღვევო კომპანიები და ა.შ.

ღონისძიებასთან დაკავშირებული ინფორმაცია ხელმისაწვდომია ბმულზე – barta.ge

იხ. ცერემონიის ვიდეოჩანაწერი.