სიახლეები

ბუღალტრული აღრიცხვის ანგარიშგებისა და აუდიტის ზედამხედველობის სამსახურმა, საქართველოს პროფესიონალ ბუღალტერთა და აუდიტორთა ფედერაციასა და საქართველოს აუდიტორთა, ბუღალტერთა და ფინანსურ მენეჯერთა პროფესიულ ფედერაციასთან ერთად, ყოველწლიური საინფორმაციო შეხვედრების ციკლი გამართა საქართველოს მასშტაბით. 

შეხვედრები წინასწარი გამოკითხვის შედეგად გამოვლენილ მუნიციპალიტეტებში, ბათუმში, ოზურგეთში, ფოთში, ზუგდიდში, ქუთაისში, თელავსა და თბილისში გაიმართა. შეხვედრები წარმომადგენლობითი იყო და ჯამში 500 - ზე მეტი საწარმოს წარმომადგენელი დაფარა. 

შეხვედრების ფარგლებში, სამსახურის თანამშრომლებმა მოწვეულ სტუმრებსა და დაინტერესებულ მხარეებს,  ანგარიშგების წარდგენის პროცესის გამარტივებისა და წარდგენილი ანგარიშგებების ხარისხის გაუმჯობესების მიზნით, მათთვის საინტერესო ინფორმაცია და წარდგენის დროს ხშირად დაშვებული შეცდომების ანალიზი გაუზიარეს. შეხვედრები ინტერაქციული ხასიათის იყო და დამსწრე აუდიტორიამ მათთვის საინტერესო კითხვებზეც მიიღო პასუხები. შეგახსენებთ, საინფორმაციო შეხვედრის ადგილმდებარეობები, დაინტერესებული მხარეების გამოკითხვის შედეგად განისაზღვრა, სწორედ ხსენებულმა კვლევამ აჩვენა შეხვედრის ჩატარების საჭიროება, გურიაში, კერძოდ ოზურგეთში.

აქვე, გვინდა მადლობა გადავუხადოთ პარტნიორ ორგანიზაციებს მხარდაჭერისთვი, საქართველოს ფინანსთა სამინისტროსა და საქართველოს პროფესიონალ ბუღალტერთა და აუდიტორთა ფედერაციასა და საქართველოს აუდიტორთა, ბუღალტერთა და ფინანსურ მენეჯერთა პროფესიულ ფედერაციას.

შეგახსენებთ, 2024 წლის საანგარიშგებო პერიოდზე ანგარიშგების წარდგენისა და გასაჯაროების პროცესი მიმდინარეობს უწყვეტად!

ანგარიშვალდებულმა სუბიექტებმა ანგარიშგება უნდა წარმოადგინონ დაუყოვნებლივ, ხელმისაწვდომობისთანავე, ანგარიშგების პორტალზე: https://rms.reportal.ge/

არ დაელოდოთ მონაცემების ატვირთვის საბოლოო ვადას, ანგარიშგების დროული წარდგენით თქვენს ორგანიზაციას უქმნით სანდო და გამჭვირვალე იმიჯს, ეხმარებით ინვესტორების მოძიებაში და ზრდით საბანკო სექტორთან საიმედო პარტნიორობის პოტენციალს.