სიახლეები

როგორც ცნობილია, 2023 წლის პირველი იანვრიდან ძალაში შევიდა სადაზღვევო ხელშეკრულებებთან დაკავშირებული ახალი, ფინანსური ანგარიშგების საერთაშორისო სტანდარტი (ფასს 17) და გაუქმდა წინარე მდგომარეობით მოქმედი ფინანსური ანგარიშგების საერთაშორისო სტანდარტი (ფასს 4). შესაბამისად, ახალი მოთხოვნებიდან გამომდინარე, კორექტირებას დაექვემდებარა მზღვეველთათვის განკუთვნილი ციფრული ფორმები და №1 და №2 დანართებში განხორციელდა ცვლილებები.

ხაზგასასმელია, რომ აღნიშნული წესის ცვლილება ადგენს მესამე კატეგორიის საწარმოთათვის ანგარიშგების და ციფრული ფორმების შევსების გამარტივებულ წესს კერძოდ, მესამე კატეგორიის საწარმოთათვის ფულადი სახსრების მოძრაობის ანგარიშგების, კაპიტალის მოძრაობის ანგარიშგების მომზადება და წარდგენა ნებაყოფლობითი ხდება. გამარტივებული წესით ანგარიშგების წარდგენასთან დაკავშირებული საშეღავათო პირობა, მესამე კატეგორიის საწარმოებზე უკუძალით გავრცელდება 2024 წლის 1 ოქტომბრიდან. 

ასევე, წესის ცვლილება განპირობებულია კანონქვემდებარე აქტში გარკვეული ნორმების დაზუსტებისა და კორექტირების, სამსახურის ფუნქციონირების განმავლობაში გამოვლენილი საჭიროებებით. სამსახურის მიზანია, სისრულეში მოიყვანოს საკანონმდებლო მოთხოვნები, როგორც შინაარსობრივი, ისე ტერმინოლოგიური თვალსაზრისით.